منتجاتي المفضلة لشهر نوفمبر 11-2017

زيت اللوز من لوكستان

زيت اللوز من لوكستان مو أول مرة تجربة لي هذي ثاني مرة لهالمنتج الجميل 

حبيته و حبيت ريحته و انها فعلا تبقى معاك و تثبت في ملابسك .

لكن في الصيف ما كنت أواجه مشكلة معاه 

لكن مع فصل الشتاء تحتاجين كريم يضاعف الترطيب لان الزيت لحاله لاحظت انه مش كافي لفصل الشتاء ، مع ذلك يستاهل التجربة لانه فعلا منتج مختلف و جميل.

زيت اللوز بشكل عام مغذي للبشرة و معالج طبيعي 

من خلال تجربتي حبيت انه فعلا شفت التأثير 

المعالج و الترطيب العالي و ريحة الشاور جل جميلة و تستاهل التجربة 

الشيء الجميل بعد انك تقدرين تاخذين العلبة بعد ما يخلص المنتج و يسوون لك اعادة تعبئة بسعر مخفض 👍🏻

___________________________________________________________________________________

جو مالون 

من أجمل العطور اللي جربتها فعلا جو مالون ماركة تعرف تخلط العطور صح و تجربة العطور معهم تختلف عن اي ماركة ثانية ، الشي السلبي الوحيد ان أسعارها غاليه ، لكن يسوون عروض و تخفيضات و بيكون وقت مناسب لتجربة الماركة .

عطر النهار

 English pearl & Freesia 

عطر المساء 

Myrrh and Tonka 

___________________________________________________________________________________

                          مجموعة الجسم من ايف روشيه 

مجموعه لطيفة لوقت الشتاء  

أستخدمها بشكل طفيف اذا حبيت أستبدل الجل شاور من لوكستان و العطر مناسب للبيت 

المجموعة  (كريم للجسم -جل شاور- مقشر سائل - عطر )

___________________________________________________________________________________

صابونة الوجه من سان فرانسيسكو

المره الثانية لتجربة هالمنتج 

جميل ينظف الوجه و يغسل الميك اب بسرعه و يشيل أثاره 

لكن أنا تابعت مختص في الجلدية ما ينصح ان منتجات الوجه تكون صابونة لانها مع الوقت تتراكم فيها الجراثيم و البكتيريا.

لشهر ديسمبر رح تشوفون المنتج المختلف اللي شريته مؤخرا تابعوا معاي ❤️.

صابونة السكرب 

صراحه ما شفت لها تأثير ، لكن رح أجرب المنتج لين يخلص و أسوي تحديث لرأيي ان اختلفت التجربة .

___________________________________________________________________________________

مناكير 

اللون جميل  Wicked (ويكد) و مناسب للشتاء ❤️

___________________________________________________________________________________

شموع Bath & Body works 

 من أفضل الشموع صراحه لانه في انواع كثير لمختلف الأذواق و عروضهم جداً مناسبة و طوال السنة .

كولكشن الخريف من رأيي أفضل كولكشن و كانت فيه أنواع حبيتها أكثر من كولكشن الشتاء ، انتظروا عرض مناسب و اخذوا لكم مجموعة ❤️.

الأنواع اللي اخذتها :

Sweater Weather 

Mahogany Teakwood high intensity 

Bergamot Waters

___________________________________________________________________________________

كول اوف ديوتي : 

هذا منتج مختلف هالشهر حبيت أنوع للي يحبون هالنوع من الألعاب 

حبيت هالنسخة الأخيرة ، من أفضل النسخ 🎮😍


___________________________________________________________________________________

سماعة فليليبس :

أخذتها بتخفيضات إكسترا و حبيتها و أنصح فيها ❤️


___________________________________________________________________________________

الشاحن المتنقل Dausen

غريب هالشاحن يبي لي وقت أتعود عليه ، ي انا اسحب عليه و مو قاعده أشحن بطاريته  و يخلص بسرعه او انه فعلا من الأنواع اللي مع الوقت تخرب 🌚

___________________________________________________________________________________

تمت بحمدالله .

للأقتراحات بكل خصوصية هنا 💜